منتجات اشتريناها وتوفقنا في الأختيار - متجدد

M

M!$$_BLinG

مشرفة سابقة

21-09-2011 | 11:08 AM

السلام عليكم ورخمة الله وبركاته
شحالكم عسولات؟ ان شاء الله الكل بخيرF:

حبيت انزل موضوع عن افضل المنتجات لي اشتريتها واستخدمتها وتوفقت في اختيارها ذكرتني بالموضوع الاخت - ضاع الكلام - يزاها الله خير
طبعا قبل ما اعرض المنتجات اتمنى انكم تحطون في اعتباركم ان العرض بيكون حسب استخدامي انا وهذا مجرد رايي الشخصي. مب معناته ان املنتج بيعيب الكل ولا معناته انه ممكن يناسب الكل.:)

كل منتج ممكن يكون تاثيره ونتيجته غير لان كل وحده فينا تختلف وفي عوامل مثل : لون البشره . نوعها . اذا كانت خاليه من العيوب او بها اثار . او اذا كانت البشره موحده اللون او لا
اذا البشره حساسه .... الخ :)

الموضوع بيكون متجدد وانا بحاول قد ما اقدر اني انزل لكم صور من تصويري الخاص بيكون الموضوع منوع مب عن ماركه معينه بس ف كل مره بتكلم عن شي

الحين بنزل لكم لي في بالي حاليا وان شاء الله تتابعون الموضوع ويايه يوميا :thumbs_up:

واتمنى من البنات بعد التفاعل لو حابين والمشاركه بالصور والاراء

همسه: الموضوع لطرح اراء اتمنى انه ما يتحول لموضوع استفسارات لان عندنا ركن خاص لها:study:

أول منتج بتكلم عنه هو
mac pro longwear foundation spf 10
درجتي انا NC42
الفاونديشن هذا تغطيته متوسطه وفيه نسبه حمايه من الشمس - ثقيله بدون لمعه - مات - يناسب البشره المختلطه والدهنيه تغطيته وايد حلوه و ما يسيح يبقى معاج اكثر عن 12 ساعه ويخفي العيوب بشكل حلو هاي ثاني علبه اشتريها منه وتقييمي انا له 10/8

ثاني منتج بتكلم عنه هو
mac studio fix foundation spf 15
درجتي انا NC42
الفاونديشن هذا تغطيته متوسطه وفيه نسبه حمايه من الشمس - ثقيله بدون لمعه - مات - يناسب البشره المختلطه والدهنيه تغطيته وايد حلوه و ما يسيح يبقى معاج لين 12 ساعه ويخفي العيوب بشكل حلو هاي خامس علبه اشتريها منه وتقييمي انا له 10/10

طريقتي في استخدام الفاونديشن بسيطه: ارش فكس واترياه يجف واوزع البيس واخذ فرشاه الفاونديشن واحط كم قطره من الفونديشن على راحة ايدي واوزع الفاونديشن نقط على مناطق الويه وابدا ادمج بالفرشاه الحين - ارجع ارش فكس مره ثانيه وادمج هالمره باصابع يدي لان مرات الفرشاه تخطط ويهي والحراره لي الاصابع تدمج الفاونديشن - الحين احط بودرتي لي حاطه صورتها تحت واكون خلصت

ثالث منتج هو
mac mineralize skin finish natural
بودره من ماك تغطيتها خفيفه الى متوسطه ناعمه جدا على البشره تثبت الفاونديشن بطريقه حلوه و تستخدم جافه او مع ماي على فكره اذا استعملتيها بماي تتحول لتغطيه اقوى وكانها فاونديشن شريتها اربع مرات واعطيها 8/10

رابع منتج هو مرطب للشفايف من ديور يعطي الشفايف لون زهري ناعم ويرطبها بشكل وايد ملحوظ روعه وممكن تستخدمينه قبل ما تحطين روج او بروحه خلصت لي عندي وناويه على واحد يديد اعطيه 10/10

كحل اربن ديكاي
روعه كريمي جدا جدا جدا بس بعد ما تحطينه يجف ويثبت ما يسيح ابدا وينفع داخل العين وبرع العين وانا شخصيا افضله برع العين تقييمي له 10/10

ارواج ماك بجميع انواعها روعه لون ولمعه والمات طبعا لون قوي وثبات 10/9

بلشرات ماك واضحه وروعه وشي منها بلمعه وبدون لمعه ودجات منوعه وما خاب ظني فيهم ابدا 9/10

make up for ever flash palette

الباليت هذا عباره عن شادوهات كريميه رهيبه ممكن نستعملهم بروحهم او بيس لشادو ميزتهم ان اللون جدا قوي واذا حابين نبرز لون معين عندنا ونثبته فهالباليت يفي بالغرض لي فتره طويله وانا احاول احصل لي واحد وتوفقت وفعلا مثل ما توقعت الباليت يستاهل تقييمي له 10/10

M

MISS-EN

عروس ركن المكياج

21-09-2011 | 11:45 AM

ما شاء الله اختي
سمعت مدح على كريم الاساس mac pro longwear foundation spf 10
عندي اساس من ميك اب فور ايفر HD نفس الشي ابد ما يسيح وحاليه استخدمه ان شاء الله من يخلص بجرب ها النوع
روجاتج واختيارج حلوه

مجموعتج حلو واصبتي الاختيار
يعطيج العافيه تستاهلين التقيم

D

Dla3εïз

عروس مبدعة

21-09-2011 | 12:38 PM

مـآإ شـآإء الله ....

أنـآإ سمعت مدح فـآإوديشن مـآإكـ كمـآأن بس مـآإ ستخخدمته ..!

وأستخخدم روجـ ديوووور بمعنى الكلمة رهيييب ^,^

\
/

يسلمؤووؤ يـآإ عسسل

S

Sweet N Sour

عروس ركن العناية بالبشرة والجسم وركن العطور والعناية بالشعر

21-09-2011 | 01:48 PM

اختياراتك اكيد موثوق بيها،و انا كثير متشجعة اجرب ماك حبيت الروج و الاساس studio fix

متابعة معاك

ك

كياآن إآنســـاآنـــة

عروس مبدعة

21-09-2011 | 02:04 PM

روووعة يعطيك العاافية

ع

عايشه صلاح

عروس فضية

21-09-2011 | 02:07 PM

موفقة حبوبه واحنا ناطرين التكمله

وانشاء الله بس يخلص الفاونديشن اللي عندي من جيرلان أجرب ماك أنا بشرتي عاديه انشاءالله اجربه

C

Cute Kitty

عروس فضية

21-09-2011 | 03:01 PM

تسلميييين حبيبتي و يعطيج الف عافية
و لا مرة جربت فونديشن او بودرة ماك بس وايد ناس يمدحونهم
راح اجربهم ان شاء الله
و البلاشرات رووووعة
و احب ارواااج مااااك ماستغنى عن ارواجهم

ا

الحاضره .. الغائبه

مشرفة سابقة

21-09-2011 | 03:01 PM

ماشاء الله ميس بلينج موضوع جدااااااا رائع ..,,

ان شاء الله لو حصلت فرصه احط المنتجات اللي احبهم ..,,

فاونديشن ماك الثاني رهييييييييييييب وكل مااحطه الكل يسالني عنه وخصوصا لو كان مع البودره .. ومرطب ديور بعد روووعه ..

وكحل اربن ديكاي مااستغنى عنه ابداا وللاسف مو موجوده هالماركه بعمان .. ان شاء الله لا رجعت كندا اشتريه ,, اما البلشرات والارواج ماك غنية عن التعريف ..,,

مشكووووره يا قمر ..,,

ح

حور قلبة

عروس رائعة

21-09-2011 | 03:02 PM

وأخيييرا في موضوع يرد روووح القسم :*
لي بااك أكيد مع الصور وتعقليلي واتمني جد ان البنات يتفاعلون

ا

المسة حرير

عروس نشيطة

21-09-2011 | 03:04 PM

الله يعطيك العافيه

S

SanioRa

عروس نشيطة

21-09-2011 | 04:11 PM

موضوعك جدا رائع وبجد يستحق الوقوف عنده كتير

انا كمان الي رجعة احط المنتجات اللي توفقت فيها اكيد

بالنسبة لاغراضك .. حمستيني اجرب كحل اربن ديكاي .. انا سمعت عن هالماركة وشفتها في سيفورا

بس ما عرفت شو ممكن اشتري منهم .. ورح اجرب الكحل انشالله قريبا

بالنسبة لارواج ماك رووعة بس حبيت اسالك على روج ماك الثاني من اليمين بصورة الارواج الأولى شو اسمه ودرجته

ويعطيكي الف عافية .. لي عودة باغراضي انشالله :)

ح

حور قلبة

عروس رائعة

22-09-2011 | 02:11 AM

للأسف الفوتوشب مو شغال عندي عقب ما كنت مشتطة وصورت :(
بس قرييب هاليومين بنزل غيرة ...

s

sarsory

عروس نشيطة

22-09-2011 | 03:15 AM

تسلمي يا أختي

ض

ضاع الكلام

عروس فضية

22-09-2011 | 03:43 AM

كنت انتظر هالموضوع
تسلمين يالغلا
وحبيت أشاركم بأفضل المنتجات اللي شريتها
وان شاء الله كل مره احط منتج

كريم بوبي براون الليلي
خذ لي شهر استخدمه تقريبا وايد حلو
حسيت بشرتي غير طريه وراح الجفاف

M

M!$$_BLinG

مشرفة سابقة

22-09-2011 | 08:00 AM

صباح الخير حبوبات
اول شي اشكركم على المتابعه واشكركم عالتفاعل الحلو
وان شاء الله اشوف الصور والتوفيق من صوبكم بعد
السموحه منكم ما رديت عليكم بالاسم بس اعذروني - انا اتابع الموضوع من الدوام
امس كنت بكمل الموضوع وانزل لكم صور لكن للأسف الشديد بعد كل التعب الرد طار عني وبسبب الكونكشن في البيت :( حسيت بانهيار ههههههههه بس ولا يهمكم شوي شوي بجمع الصور وفي صور انا مصورتنهم من فتره ! واي سؤال عن اي منتج بجاوب عليه قريبا بس عطوني فرصه

Seniora
الروج فاول صوره الثاني من اسمه fresh salmon وللأسف ليمتد ادشن

اكمل لكم اليوم :

make up for ever
رقم 92 الشادو هذا بنفسجي رويان بمعنى الكلمه ومات يعني بدون لمعه بس هذا احلى شادة بنفسجي عندي منه 2 ولونه رهيب عيبه لانه مات ومعروف عن شادوهات المات انها صعبه في الدمج بس يغيلها صبر 10/7

شادو ماك اسمه black tied
فيه لمعه ويجنن للوك السموكي ولدمج الالوان و اذا عندج شادو تبين لونه اغمج شوي خص زاويه العين الخارجيه عليج بهاللون 10/10

شادو ثاني من ماك يجنن يا بنات لونه روعه ثابت ويبين وراقي جدا للوك ناتشورال او سموكي مع اسود او لوك ناعم للصبح انا وايد احب استعمله بروحه حتى بدون اي لون ثاني وارسم عيني من فوق ب رسمة ايلاينر بسيطه ويطلع وايد حلو 10/10

شادو hip من لوريال
انصدمت من جودة الشادو خص الميتالك لون قوي ابدا ما يحتاج تعب واللون اللي فالعلبه هو اللون اللي بيطلع لج
ما يتناثر وايد وثابت بس في انواع ثانيه المات طبعا ما حبيتهم وايد اللون باهت بس الميتالك اعطيهم 10/10

غ

غلاآ البحرين

عروس رائعة

22-09-2011 | 10:25 AM

موضووع رائع الصراحه
يعطيج العافيه اختي ع الموضووع
و يعطيكم العافيه بنااات ع التفاعل

لي رجعه باذن الله ..

ا

ام ميريام

عروس مبدعة

22-09-2011 | 07:26 PM

مس بلينغ ماشاالله عليج مواضيعج ما اتردد في مشاركته دوم متميزه
وتعلمت منج كثير ....

واشتريت فاونديشن ماك الثاني على مدحج (طبعا) ومن غير ما اجامل غير وجهي كامل كل البقع والنمش اللي كان على وجهي يختفي لما احطه مع الباودر والبلشر
من ماك يعطيج العافيه

جاري التقييم:thumbs_up::thumbs_up:

غ

غرشوبة ابوها

عروس مشرقة

22-09-2011 | 07:33 PM

اكيد اختيارك مــــــــــــــــــــــــــــــــــــــــــــــــــــــــره حلوه وتسلمو:03::086:

ا

الوان شفافة

عروس مبدعة

22-09-2011 | 08:36 PM

ماشاءالله الموضوع قييم ومشكورة
M!$$_BLinG
مو غريبه عليج التمييز
F:

ك

كـوثــــــــر

عروس فضية

23-09-2011 | 05:23 PM

موضوووع جدا حلو يستاهل التقييم لكن للأسف الميزان رافض :(

متابعييين معاك